Նորություններ
Արդյունավետ սեմինար «Ծաղկահովիտում»
Հուլիսի 16-17-ը «Ծաղկահովիտ» հյուրանոցը հյուրընկալել էր «ՀԱՄԿ-ի բարեփոխումները և աշխատանքային պայմանագիրը» թեմայով
սեմինարի մասնակիցներին: Միջոցառումը կազմակերպել էր Հայաստանի Արհմիությունների Կոնֆեդերացիա (ՀԱՄԿ)
Ուսումնահետազոտական կենտրոնը՝ Աշխատանքի միջազգային կազմակերպության աջակցությամբ: Մասնակցում էին ՀԱՄԿ ճյուղային հանրապետական միությունների և աշխատակազմի ներկայացուցիչները:
Սեմինարի երկօրյա աշխատանքներին մասնակցում էր Արհմիությունների միջազգային համադաշնության Համաեվրոպական տարածքային խորհրդի խորհրդատու Անտոն Լեպպիկը (Բրյուսել), ով հանգամանորեն ներկայացրեց արհմիութենական միջազգային կառույցը, նրա դերն ու նշանակությունը արհմիութենական շարժման գործընթացում:
Սեմինարն ընթացավ կարծիքների ազատ փոխանակման և հետաքրքիր քննարկման մթնոլորտում: Միջոցառման ավարտին ՀԱՄԿ նախագահ Է. Թումասյանը հույս հայտնեց, որ նման քննարկումներն էլ ավելի կնպաստեն արհմիությունների գործունեության ակտիվացմանը:
2018-05-03 Մրացանակ բարձրակարգ սպասարկման համար
Վրացական Wonderland տուրիստական ընկերությունը Ծաղկահովիտ հյուրանոցային համալիրին շնորհել է հատուկ մրցանակ՝ բարձրակարգ սպասարկման և կայուն, երկարատև համագործակցության համար
Նման մրցանակ ստանալը բավականին հաճելի է, բայց միևնույն ժամանակ՝ պատասխանատու և պարտավորեցնող, քանի որ այն կատարված աշխատանքի յուրօրինակ գնահատական է և կանխավճար՝ հետագա անելիքների համար:
2017-10-24 ՀԱՄԿ-ն արդեն չորրորդ տարին է՝ նախընտրում է «Ծաղկահովիտը»
Հոկտեմբերի 19-20-ը «Ծաղկահովիտ» հյուրանոցի կոնֆերենց դահլիճում անցկացվեց հերթական միջոցառումը: Այս անգամ մասնակիցները Հայաստանի Արհմիությունների Կոնֆեդերացիայի (ՀԱՄԿ) անդամներն էին, իսկ միջոցառումը՝ ՀԱՄԿ Ուսումնահետազոտական կենտրոնի «Օպտիմալացման խնդիրները, առանձնահատկությունները և դրանց սոցիալական հետևանքները» թեմայով սեմինարը:
2015-04-29 «Ծաղկահովիտը» հյուրընկալել էր տարբեր ազգությունների երիտասարդների
Ապրիլի 25-26-ը Ծաղկաձորի «Ծաղկահովիտ» հյուրանոցում տեղի ունեցավ Հայաստանի Հելսինկյան կոմիտեի կողմից ազգային փոքրամասնությունների ներկայացուցիչների և լրագրողների համար կազմակերպված «Մարդու իրավունքներ և խտրականություն» թեմայով դասընթացը:
2015-03-27 «Ծաղկահովիտը» ստացել է հատուկ մրցանակ՝ հյուրերի բարձր գնահատականների շնորհիվ
Հեղինակավոր BOOKING.COM կայքի կողմից «Ծաղկահովիտ» հյուրանոցն արժանացել է հատուկ մրցանակի և շնորհակալական ուղերձի:
2014թ.-ի կտրվածքով վերլուծելով հյուրերի գնահատականները՝ տրված հյուրանոցներին, հյուրանոցների և հանգստյան տների օնլայն ամրագրման ծառայություններ մատուցող booking.com կայքի հրապարակած արդյունքներով Ծաղկահովիտ հյուրանոցը հյուրերի կողմից ստացած լավագույն կարծիքների անվանակարգում ստացել է 8.3 գնահատական (10 միավորի դեպքում):
Booking.com կայքի տնօրենների շնորհակալական նամակում նշված է.