Դահուկային ուղիներ

Ծաղկաձորը հրաշալի վայր է լեռնադահուկային սպորտի սիրահարների համար, ովքեր ցանկանում են վայելել լեռնալանջերից արագորեն իջնելու հաճույքը: Քաղաքի բարենպաստ կլիման, մեղմ ձմեռը, ձյան ծածկույթը (մոտ1.40մ), հրաշալի պայմաններ են ստեղծում լեռնադահուկային սպորտի սիրահարների համար և հնարավորություն են ստեղծում նոյեմբերի վերջից մինչև մարտի վերջ զբաղվել ձմեռային սպորտաձևերով: Տարբեր բարդությամբ սահուղիները ձգվում են Թեղենիսի բարձունքից, ուր կարող եք հասնել ճոպանուղու միջոցով: Ճոպանուղու երկրորդից չորրորդ կայաններում նստատեղերը երկտեղանոց են և մի կայանից մյուսը կարելի է տեղափոխվել` առանց դահուկները հանելու: Զբոսաշրջիկների համար նախատեսված հինգերորդ կայանում հարմարավետ վերելքն ապահովում են տաք նստատեղերը: Սկսնակ լեռնադահուկորդներին և սնոուբորդիստներին տրամադրվում են հարմարավետ բուգելային վերելակներ: Թեղենիսի բարձունքից ձգվող սահուղիների ընդհանուր երկարությունը կազմում է ավելի քան 30 կմ: Սահուղիներով անընդհատ կարելի է սանել մոտ 6,800մ: Գիշերային սահքի սիրահարները կարող են օգտվել լուսավորված բուգելային վերելակից և տյուբինգային սահուղիներից, որոնք տեղակայված են <<Կեչառիս>> համալիրի հարևանությամբ: Քաղաքում գործում է նաև պրոֆեսիոնալ փրկարարներով համալրված ծառայություն: